I
Si mwen té kwè ou té kai alé si tèlman san pèsèpsyon mwen
si tèlman san konnésans mwen
mwen pitèt té pé kouté lanmou-ou, an lanmou kon mizik an flit
kon chason lé toutwèl adan
an pyès pyé zoranj ; mwen té kai kouté pli antantifman ;
mwen té kai soulajé-mwen pli alèz adan sé lawivyè-ou-la,
té kai savwé fwéchè widé lanmen-ou asou lapo-mwen ;
mwen té kai resté domi an plenn apwémidi, pou lévé
pou kouté sé ti jwé chagwinan-an, kwiwak sé kayal-la
ki ka niché adan an pyès manng blé,
tèlman inyowan di choz « pwogwé » sala ki an déwoulan ;
mwen té kai pentiwé imotèlman an potwé
manmai ka benyen tou anvlopé adan an lapli klè
ka désann òd La Sorcière;
mé solèy ka plonjé antwé an swawé
Rouj èvèk lapousyè an van ki ka vanté
òd fasad solèy kouché. É mwen ka rimaké
kè nou ja boukanté vwa dous sé toutwèl-la,
plézi pi lapli asou lapo an ti zanfan,
nou ja boukanté tout sa, pou sa apwézan !